داخلنا سنة جديدة بأهداف جديدة وأحلام نفسنا نحققها، فلازم نحوط لأهدافنا خطة تمشي عليها وتارجت لنفسنا عايزين نوصل لأية ونبقي أية.
س1: إيه أهدافك المهنية اللي عايز تحققها؟
لازم تحوط خطة لأهداف معينة نفسك تحققها وتوصل ليها يا تري أي أهدافك في 2017 ؟؟
خدت الترقية اللى كان نفسك فيها؟ اشتغلت فى الوظيفة اللى كنت بتحلم بيها؟
اكتب قايمة فيها أهم الانجازات اللى حققتها فى 2016 علشان أولاً تحتفل باللي حققته وثانياً تفتكر ايه الأدوات اللي ساعدتك علشان تحققها.
ممكن تلاقي اهداف مقدرتش تحققها كلها ووصلت لنص الطريق فيها، متزعلش معنى إنك مشيت نص الطريق انك قادر تمشي وتكمل تحقيق باقي أهدفك في 2017.
س2: إيه الحاجة اللي عايز تغيرها أو تجددها فى شغلك سنة 2017 ؟
كل واحد فينا بيمر عليه فرص ضيعها أو معرفش يستغلها صح، وساعات بيرتكب أخطاء غير مقصودة فى حياته المهنية.
س3: فكر هل أنت سعيد فى شغلك؟
لو الإجابة أه، دور كويس ايه الحاجات اللي عززت شعورك بالسعادة فى شغلك علشان تطورها وتشتغل عليها فى السنة الجديدة وشعورك بالسعاده يكون دافع قوي ليك إن مستوى أدائك يتحسن فى 2017.
أما لو الإجابة لأ فأنت محتاج تعزم نفسك على اى حاجة بتحب تشربها وتدردش معاها شوية ايه مخليك مش سعيد فى شغلك؟
مش يمكن دي أصلا مش وظيفة أحلامك؟ طيب هل إنت محتاج انك تغير مهنتك؟