نصايـح هتساعـدك في أول يوم شغـل

لو قدرت تفوز بفرصة عمل, ماينفعش تفسدها من اليوم الاول, فعلشان كدا هنعرض عليك شوية نصائح لازم تعملها علشان تتقدر تستمر في عملك الجديد:

1- تواصل مع زمايلك الجداد بشكل كويس
افهم كل اللي عايزه مديرك , تواصل مع زمايلك على اسس واضحة علشان انت ما تقدرش تقرا افكار زمايلك في الشغل وعلشان تقدر تعمل علاقات كويسة, اطلب اجتماع شخصي مع المشرف المسئول عنك , اتكلم معاه عن اساليب التواصل والادارة لو كنت مابتشعرش بالراحة, وده علشان ان بعض المديرين بيحبوا فكرة انهم يكونوا على معرفة بكل مستجدات الشغل.

2- الأستماع والانصات
احتفظ بافكارك لنفسك في اول يوم من الشغل علشان ممكن تكون طبيعة الشغل الجديد معزولة يعني انها بتقاوم التغيير وبترفض اي غريب.

3- بادر بالاسئلة
لو كنت مش عارف ابدأ بالسؤال ، علشان ما تبوظش الشغل في اليوم الاول لأن الصورة وطبيعة الشغل ممكن ما تكنش واضحة ليك, لو كلفك المدير بشغل معين فحاول ان تاخد منه كل التفاصيل اللازمة من الاجتماع الاول.

4- أضبط النفس
لو كنت من النوع اللي بيحب النشاط والحركة فحاول انك تظبط نفسك, حاول تتصرف بهدوء, وماتحاولش تظهر روح الدعابة وماتظهرش اي اعتراض على اي شغل مطلوب منك.

5- اكتب ملاحظاتك
هات دفتر ملاحظات صغير يمكن انك تكتب في أي ملاحظة زي الاسماء الجديدة والمناصب والمهام.

6- حافظ على مظهرك الشخصي
لو مش عارف نوعية الملابس بشركتك الجديدةاو لو انت ما انتبهتش لملابس الموظفين وقت الانترفيو, فحاول تتصل بمسئول الموارد البشرية في الشركة واعرف رأيه في الملابس.

7- أعمل البحوث الضرورية
ادخل على موقع الشركة الالكتروني والموقع المخصص للعملاء واي مقالات بتتكلم عن الشركة علشان تعرف أعمال الشركة وده هيخلي مديرك معجب بفكرك عن الشركة من اول يوم.

8- خد اكلك معاك في الشغل
لو مش عارف نظام الشركة في موضوع الاكل , يعني هل هيكون في وقت معمول للاستراحة او الاكل في وقت الشغل فمتنساش تاخد معاك وجبة الغدا الخاصة بيك فممكن يطلب منك المدير ان تاكل معاه في اول يوم , كمان لازم تاكل وجبة دسمة مع شوية قهوة علشان تقدر تحافظ على تركيزك وقت الشغل.

9- أدرس طريق الشغل
لازم تدرس طريق الشغل ووسائل المواصلات الخاصة بيه وده علشان تحديد الوقت الكافي للوصول للعمل او المنزل.

10- أتبع نظام نوم صحي
حاول انك تاخد قسط كويس من النوم في الليل قبل اول يوم عمل علشان تكون نشيط ومحافظ على تركيزك.